REEZONINGZ: Job Market Trends: No Tattoos in my business place please!

  by S. Gordon-Jeffery

Dis ah wohn soshal cum-men-tri

Wat a prekeh wi yung peepul fyhn demself inna! Yuh reed di Gleaner mhy yuut?! Di mohws kan-trah-vershal tapik wuz dat di hem-plah-yah dem nuh wahnt nuh baddi weh hav tattoo een dem hess-tab-lish-mehnt.  Aahl whoh seh dem wahnt dem skhin pritti lyhk koh-lah-ring buk mi sahri fi yuh...ehh!  Luk 'ere, ah nuh hevryting unnu si peepul duh unnuh fi teck up.  Heevn di pol-lees ah seh hif yuh hav tattoo dem nuh wahnt yuh.  Iht doan heeven meck sense yuh cohm seh yuh ah duh intavuuh an duh tess, fram dem si di tatts yuh nuh heli-je-bul.  Chehk dis tuh, nuff ah di yung mahn dem seh ah sikuriti di ting seht an dem wahnt ah werk deh suh, wehl geh-nah-ral, dem seh noh, nubbada whoh hav tattoo fi cohm deh suh! 

Fi tehl yuh di chuut, mi feehl seh dis tattoo ting cohm inna wi kun-tri fram farrin. Wen mi did ah groa up mi neva si mahn ar ooman ah maahk up dem skhin.  Iht neva wuz somting wi ahs Jamay-kanz duh.  Suh hii yahm jus' won-dah-ring wah caaz suh muhch peepul fi teck ohn tuh iht suh.  Fram a yuut reech fifteen yuh si him a mah-gul wid tattoo pon him skhin, an dem evah ah puht iht sohm playse pon dem baddi fi peepul si iht!  Why?  Mi aalwayz ah ahks why?  Why dem feehl seh dem fi put it sum whayrr fi di whul wurl si iht. Luk, iht aryht fi ah Daans-haal haa-tis ar ah Hamerrikan rappa fi duh it. Di maahk up, maahk up giv dem sohm saaht ah str'heet cred, suh wen dem si dem fren an dem seh "Rrrrr", dem kno seh it luk gud an' dem ting 'turn'.  Buht dat ihz fohr ah pah-pu-lah kulcha dat ihz ouwt-syhd hof di kan-ven-shonal, proh-feshah-nal ha-ree-nah. Muuzikal haa-tis cyan geht ha'waay wid serten 'modes of creativity'. 

Fohr di roots reggae Rastafarian artistes ihn di 1970s an' 1980s di dredlaks wuz di prablehm, dem tyhm deh nubaddi neva lyhk si iht.  Noh sah!  Dem caahl peepul dat wheer dreadlocks 'dutty rasta'.  Dem seh rasta nuh bathe, dem nuh chrim becaaz dem nahhsti ar maybe ihz ah krim-hinal weh grohw di natty becaaz dem ah chryh chaayng dem luk fi ha'vahyd pol-lees.  Yuh kno rasta seh dem nuh lyhk babylan (pol-lees), mi eer seh rasta yuuz tuh geht ha'buuz fram babylan ihn dem tyhm dere. Dem tyhm deh tuh yuh cyaa bi ah paayrent tuh ah yuut weh ah rasta.  Dat wuz wohn hof di mohws shaaymful ting evah, yehs mahn.  Peepul wud laaf afta dem bowt dem pickney, an' noh respek-tabul fambily wahnt a rasta mahn fi luk dem dawtah, yuh mad?!  Noh, nah 'appen!  


Yehs! Luk pon di levulz nohw, yuh noa seh nuh baddi nah hiyah dem mahn deh wid 'ow dem hair staay (memba seh sista laks neva hin-vent yeht, suh yuh cyan hi-mah-gin 'ow di dredz luk).  Suh 'ow dem heet?  'Ow dem teck kayhr ah dem fambily?  Wehl, ahs Marcus Garvey seh, self reliance.  If ah mahn wah kantinuu fi whul di aah-dah weh dem profess dem affi guh owt-syhd di systim an' duh fi demself. Suh dem mek an sell dem broom, dem duh muuzik an meck dem money an any odda ting dem cyan duh fi help demself.  Yuh neva heer seh mahn lyhk Bob Marley a wurri bowt weh peepul seh bowt him? Noh!  Dem duh dem ting an' wheer dem hayrr di waay dem wahnt. 

Suh mhy yuut tink bowt iht.  Hif ah werk yuh ah luk an' tattoo ihz lyhk di dredlaks 'ow dem yuuz tuh treet bad bahk den, 'ow yuh tink dem ah guh hak-cep yuh tattoo luk? Werking worl nuh reely embrayse hin-div-jwal kree-hay-tiv-ity.  Wen yuh guh ah dem werk playse ihz aahl ha-bowt dem werk an di tahsk weh dem gi yuh, dem nuh bizniz hif yuh feehl lyhk wheer rehd Tee-shert an' jeenz pahnts guh werk wohn daay.  Hif di bizniz seh yuh fi wheer a unifarm, yuh betta wheer it!  

An' tink bowt iht, werk haad fi geht nohw.  Suh ahs di paypa seh yuh hav' di quah-li-fi-kay-shons buht dem tern yuh bahk.  Hey! Hey! Yuh noa seh iht stihki pon yuh wen noht heevn sikurity cum-pen-ni nah hi-yah yuh. Teck mhy ad-vyys hif yuh nuh hav nuh tatts nuh badda guh fi iht. Gwaan wid di kleen skhin Gahd blehs yuh wid guh duh di intavuuh. 

Hif yuh hav tats buht iht deh one playse weh hiddin, chryh wheer somting weh kovah iht hup gud.  Buht hif yuh staay lyhk di picha weh mi sheer pon dah pos' yah, weh iht inna yuh fayse ar pon yuh nehk, hif yuh cyan geht rid hof iht, duh iht, hif yuh serius seh ah werk yuh wahnt.  Buht hif yuh cyaa haf-ford fi remuuv iht....mi nuh noa weh fi tehl yuh hek-sep yuh bettah geht kree-hay-tiv an' duh weh di rastamahn dem bahk hin di daay duh, SELF RELIANCE.  Caaz 'ow iht ah guh nohw, werk haad fi get an' ah whul heep ah peepul ah luk wohn time, suh dem ah guh bypass yuu.  Ah di chuut mi ah tahk. Reed di aahticul fi yuhself. 



Seet 'ere: http://jamaica-gleaner.com/article/news/20170806/no-inked-scores-qualified-persons-denied-jobs-because-visible-tattoos

Tweet